Per mentis, sem geðlækningastofa, var stofnað 2021.

Á þeim tíma voru aðeins tveir starfsmenn í fyrirtækinu, Kristófer Sigurðsson geðlæknir og Ellen María Þórólfsdóttir heilbrigðisgagnafræðingur, sem starfaði í tímavinnu heimanfrá.
Leigð var aðstaða hjá SÓL sálfræði- og læknisþjónustu.

Í byrjun árs 2023 bættist Tanja Guðrún Schiöth geðhjúkrunarfræðingur við. Á vordögum 2024 kom Ellen í fulla vinnu sem skrifstofustjóri.

Haustið 2024 bættust svo í hópinn Rut Baldursdóttir geðlæknir, Karen Lind Gunnarsdóttir sálfræðingur og María Unnur Ólafsdóttir hjúkrunarfræðingur.

Frá upphafi hefur Per mentis leitast við að hámarka gæði og skilvirkni þjónustunnar.

Upplýsingaefni og bæklingar hafa verið skrifaðir og gefnir út til notkunar í starfinu.

Sérhæfðar hjúkrunarmóttökur stofnaðar í kringum ýmis viðfangsefni og sívaxandi áhersla á þverfaglegt starf, þar sem skjólstæðingarnir njóta þjónustu fleiri fagstétta innan stofunnar og þjónustan er mótuð í heild.