ADHD

Við bjóðum upp á fullt greiningarferli m.t.t. ADHD, að meðtöldum læknishlutanum. Ekki þarf tilvísun heimilislæknis í þetta ferli, heldur skráir skjólstæðingur sig sjálfur hér á vefsíðunni, sjá hér fyrir neðan. Þetta er eina þjónustan sem við bjóðum án tilvísunar.

Ef greiningarferlið leiðir til ADHD greiningar bjóðum við upp á meðferð við röskuninni í beinu framhaldi, þ.m.t. lyfjameðferð.

Greiningarferlið byggir á teymisvinnu hjúkrunarfræðings, sálfræðings og geðlæknis. Í lok ferlisins fær skjólstæðingurinn ítarlega skýrslu með rökstuðningi á niðurstöðunni.

Ferlið hefst með skimun, sem er fyrsta kortlagning á vandanum. Ef skimunin bendir til þess að rétt sé og tímabært að fara út í fullt ADHD greiningarferli er skjólstæðingi boðið að fara þá braut.

Í byrjun er aðeins greitt fyrir skimun. Ef skimunin bendir til þess að ADHD sé vandinn býðst full uppvinnsla. Í verði uppvinnslunnar er allt ferlið, fyrir utan læknisviðtalið. Það er niðurgreitt af Sjúkratryggingum Íslands og hluti sjúklings fer eftir tryggingastöðu skjólstæðings á hverjum tíma. Greitt er fyrir læknisviðtalið þegar það fer fram.

Afar mikilvægt er að fylla út í skimunarlista (sjá hnapp hér fyrir neðan) eftir skráningu í skimun. Skjólstæðingur fer ekki á biðlista eftir skimunarviðtali fyrr en öll gögn hafa borist.

Vinsamlegast athugið að bið eftir ADHD skimunum nú er um tveir mánuðir.

Frá og með 1.1.2025 gildir nýr verðlisti, sjá hér fyrir neðan. Þjónusta sem greidd er frá og með 1.1.2025 er á nýja verðinu. Það þýðir meðal annars að ef full ADHD uppvinnsla/greining býðst eftir skimun fæst hún á gamla verðinu ef hún er greidd fyrir áramót.